मालेगाव : उन्हाळ्यात तळहातावरच्या फोडा प्रमाणे जपलेल्या केळीच्या बागेवर विकृत बुद्धीच्या अज्ञात माथेफिरूने धारदार शस्त्राने सपासप वार करून काढणीस आलेली बाग भुईसपाट केल्याची घटना शुक्रवारी रोजी सकाळी उघडकीस आली आहे. हा प्रकार पाहताच शेतकऱ्यांना खुप मोठा धक्का बसला आहे.
मालेगाव (ता. अर्धापूर) येथील बाबुराव राजेवार व चंद्रकांत कामेवार यांच्या शेतातील काढणीस आलेले सुमारे एक हाजार केळीची झाडे अज्ञात माथेफिरूने कापून फेकली. त्यामुळे सदर शेतकऱ्याचे सुमारे पाच लाखाचे नुकसान झाले आहे. अज्ञात व्यक्ती विरोधात अर्धापूर पोलिस ठाण्यात शुक्रवारी गुन्हा दाखल करण्यात आला आहे. अशा केळीच्या बागा कापण्याच्या अनेक घटना घडल्या आहेत, पण एकही घटनेचा तपास लावण्यात पोलिसांना यश आले नाही.
मालेगाव येथील शेतकरी बाबुराव राजेवार व मुकुंद कामेवार यांच्या शेतातील उभ्या अवस्थेतील, काढणीस आलेल्या सुमारे एक हजार केळीची झाडे कापून फेकून दिले. त्यामुळे शेतकऱ्याचे जवळपास पाच लाख रुपयांचे नुकसान झाले आहे. शेतकऱ्यांनी लहान मुलाप्रमाणे केळीच्या बागांची निगराणी केली. उन्हाळ्यातही पाणीटंचाई असतानाही टँकरद्वारे उपलब्ध करता येईल तसे पाणी उपलब्ध करून केळीची बाग वाचवली. सदर शेतकऱ्यास प्रशासनाने तत्काळ मदत करावी अशी मागणी शेतकरी करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.