तामसा - तामसा येथील सात वर्षीय मुलाचे त्याच्या चुलत काकाने अपहरण केल्यानंतर तामसा पोलिसांनी सात तासात चिमुकल्याची सुटका करीत अपहरणकर्त्याला जेरबंद करण्यात यश मिळवले आहे.
आरोपी सुनील कडभाने रा. उमरखेड (सध्या वास्तव्याला तामसा) याने चुलत भाऊ शंकर याचा सात वर्षाचा मुलगा कार्तिकेश याचे शनिवारपासून दोन लाख रुपयाची मागणी करीत अपहरण केले होते.
या प्रकरणी रविवारी तामसा पोलिस ठाण्यात अपहरणाचा गुन्हा नोंद झाला. प्रकरणाचे गांभीर्य लक्षात घेऊन जिल्हा पोलिस अधीक्षक श्रीकृष्ण कोकाटे यांनी सहायक पोलिस निरीक्षक मुंजाजी दळवे यांना मार्गदर्शन करीत पथक अपहरणकर्त्याच्या शोधासाठी पाचारण केले.
अपहरणकर्त्याचे त्याच्या मोबाईलद्वारे लोकेशन घेतले जात होते. तामसा पोलिसांच्या पथकासोबत कार्तिकेशचे आई-वडील होते. आरोपीचे लोकेशन तेलंगणातील बासर रेल्वेस्टेशन निश्चित झाल्यानंतर सायंकाळी सातच्या सुमारास पोलिसांचे पथक रेल्वेस्टेशनमध्ये गेले. कार्तिकेश दिसताच आई-वडिलांनी पोलिसांना सूचना करून त्याला ताब्यात घेतले. पोलिसांनी आरोपी सुनीलला जेरबंद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
