नांदेड - जालना जिल्ह्यात मराठा समाज बांधवांवर झालेल्या लाठी हल्ल्याचा राज्यभरात मोठ्या प्रमाणात पडसाद उमटलेले आहेत. नांदेडमध्येही त्याचे पडसाद उमटले असून, शनिवारी (ता.दोन) फक्त जिल्हांतर्गत बसेसच्या फेऱ्या झाल्यात. परजिल्ह्यात एकही बस सोडण्यात आली नव्हती.
शिवाय दुसऱ्या दिवशी म्हणजे रविवारीही (ता.तीन) फक्त माहूर, भोकर आणि देगलूर येथेच बसेस सोडण्यात आल्याने परजिल्ह्यात जाणाऱ्या प्रवाशांची मोठी गैरसोय झाली.
अनेक प्रवाशांना बस फेऱ्या रद्द करण्यात आल्या होत्या. याबाबत प्रवाशांना कुठलीच माहिती अनाउंसमेंटद्वारे दिली नसल्याने प्रवाशांना शनिवारी बसस्थानकात ताटकळत बसावे लागले.
रविवारीही हीच परिस्थिती होती. सोमवारी (ता.चार) सकल मराठा समाजाच्या वतीने नांदेड बंदची हाक दिल्याने आगारातून बस सुटणार नसल्याचे अधिकाऱ्यांनी सांगितले. नांदेड विभागीय बसस्थानकातून प्रवाशांच्या सोईसाठी १८४ फेऱ्या रोज होतात.
परंतू, शनिवारपासून सुरु झालेल्या मराठा आंदोलनामुळे राज्य परिवहन महामंडसळाच्या नांदेड विभागीय कार्यालयाकडून लातूर, बीड, सोलापूर, गंगाखेड, छत्रपती संभाजीनगर, भुसावळ, परभणी, जिंतूर, हिंगोली, अकोला, नागपूर, यवतमाळ, वसमत आदी ठिकाणी जाणाऱ्या बस फेऱ्या रद्द केल्या आहेत. आगाराचे आठ ते नऊ लाखा रुपयांचे नुकसान झाल्याचे अधिकाऱ्यांनी ‘सकाळ’शी बोलताना सांगितले आहे.
तरच जिल्हांतर्गत बसेस सोडू
ग्रामीण भागातील प्रवाशांची गैरसोय होवू नये यासाठी पोलिस प्रशासनासह वरिष्ठ अधिकाऱ्यांच्या सूचनेनुसारच जिल्हाअंतर्गत बसेस चालविण्याचा निर्णय घेण्यात येणार आहे. कंधार व लोहा तालुक्यात बससेवा पूर्णपणे बंद राहणार आहे. वरिष्ठांच्या सूचनेनुसार जिल्हाअंतर्गत बसेस सोडण्यात येतील, अशी माहिती वाहतूक निरीक्षक यासिन हमीद यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
