शिवणी - किनवट तालुक्यातील शिवणी गावच्या दोन पुलावरून पाणी जात असल्याने अनेक गावचा संपर्क तुटला होता. शिवणी व परिसरात बुधवारी मध्यरात्रीपासून मुसळधार पावसाला सुरुवात झाली.
ती गुरूवारी दुपारपर्यंत पडलेल्या पावसामुळे या परिसरातील अनेक गावच्या पुलावरून पाणी जात असल्याने वाहतूक ठप्पच होती. परीसरातील गावचा संपर्क तुटलेला होता. नदी नाल्यांना मोठा पूर आला आहे.
शेतकऱ्यांनी आपल्या शेतीत पिकाची हिरवी स्वप्ने पाहिली होती. मात्र, ती आता हिरावली जाण्याची शक्यता निर्माण झाली असून अनेक शेतकऱ्यांची शेती पुराच्या पाण्यात कोवळ्या पिकासह खरडून गेली आहे.
या परिसरातील आप्पाराव पेठ, मलकजाम, गोंडजेवली, धानोरा, कंचली, पांगरपहाड, तलारी, तल्लारी तांडा, झळकवाडी, चिखली, गोंडे महागाव, तोंटबा, मार्लागुंडा, कुपटी, सोनवाडी, कोसमेट या गावचा संपर्क तुटला होता. शिवणी गावच्या दोन्ही बाजूच्या पुलावरुन पुराचे पाणी जात असल्याने शिवणी - निर्मल राज्य रस्त्यावरील वाहतूक ठप्प झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
