नांदेड : जिल्ह्यात आगामी खरीप हंगामासाठी दोन हजार ३१ कोटी रुपयांचे पीककर्ज वाटपाचे उद्दिष्ट प्रशासनान बॅंकांना दिले आहे. असे असताना जिल्ह्यात सर्वाधीक शाखा असलेल्या राष्ट्रीयीकृत बॅंकांनी अाजपर्यंत कर्जवाटपाला सुरवात केली नसल्याचे स्पष्ट झाले आहे. केवळ जिल्हा बॅंक व ग्रामिण बॅंकने १.३२ टक्क्यानुसार ५०८ सभासदांना दोन कोटी ५६ लाखांचे पिककर्ज वाटप केल्याची माहिती जिल्हा उपनिबंध कार्यालयाकडून मिळाली.
अडीच हजार कोटी पिककर्ज वाटपाचे उद्दिष्ट्य
जिल्हास्तरीय बॅंकर्स कमिटीच्या बैठकीत जिल्हाधिकारी डॉ. विपीन यांनी आगामी खरीप हंगामात नांदेड जिल्ह्यासाठी दोन हजार ३१ कोटी तर रब्बीसाठी ५०७ कोटी असे एकूण दोन हजार ५३९ कोटींचे पीककर्ज वाटपाचे उद्दिष्ट २८ बॅंकांच्या वेगवेगळ्या शाखांना दिले आहे. या बाबत जिल्हाधिकारी डॉ. विपीन यांनी शेतकऱ्यांना वेळेत कर्ज देण्याची सूचना दिली होती.
हेही वाचा....दर महिन्याला पंचवीस हजार द्या म्हणाला आणि.....
कर्जमाफीत अडकले पिककर्ज वाटप
परंतु यंदा शेतकऱ्यांची पिककर्ज माफी कोरोना विषाणूच्या उपाययोजनेत लागू केलेल्या लॉकडाउनमध्ये अडकल्याने पिककर्ज वाटपाचे काम ठप्प आहे. पिककर्ज माफीसाठी पात्र ठरलेल्या खात्यावर कर्जमाफीची रक्कम वर्ग झाल्यानंतर त्या खात्याला नव्याने कर्ज वापट करणे सोयीचे होइल, अशा विचारात असलेल्या राष्ट्रीयीकृत बॅंकेने चालू बाकीदार तसेच नव्याने कर्ज घेणाऱ्या शेतकऱ्यांनाही कर्ज वाटल केले नसल्याचे स्पष्ट झाले आहे.
हेही वाचलेच पाहिजे.....Video : पक्षीही घेत आहेत संधीचा फायदा, कसा? ते वाचाच
जिल्हा बॅंकेकडून कर्ज वाटप
जिल्हा मध्यवर्ती सहकारी बॅंकेकडून जिल्ह्यातील ४७५ शेतकऱ्यांना दोन कोटी २२ लाख तर महाराष्ट्र ग्रामिण बॅंकेने ३३ शेतकऱ्यांना ३४ लाखांचे कर्ज वाटल केले आहे. या दोन बॅंकांच्या शाखाकडून आजपर्यंत १.३२ टक्क्यानुसार ५०८ सभासदांना दोन कोटी ५६ लाखांचे पिककर्ज वाटप केले आहे. परंतु जिल्ह्यात सर्वाधीक शाखा असलेल्या राष्ट्रीकृत बॅंकांच्या शाखांनी आजपर्यंत कर्जवाटपाचे खातेही उघडले नसल्याचे स्पष्ट झाले आहे.
पेरणीच्या तोंडावर शेतकरी अडचणीत
जून महिना जवळ आल्यामुळे शेतकऱ्यांना बियाणे तसेच खते खरेदी करण्यासाठी पैशाची आवश्‍यकता असते. अशावेळी कर्जमाफी तसेच कर्ज वाटपाचे काम रखडल्यास कोरोनामुळे शेतीमाल घरा पडून असलेल्या शेतकऱ्यांना एन पेरणीच्या हंगामात अडचणीला तोंड द्यावे लागणार आहे. शासनाने पिककर्ज मुक्तीचे काम लवकर पूर्ण करुन लगेच पिककर्ज वाटप करण्याची मागणी शेतकरी करीत आहेत.
अडीच कोटींचे कर्ज वाटप
जिल्ह्यात आजपर्यंत जिल्हा सहकारी बॅंक व ग्रामिण बॅंकेकडून ५०८ शेतकऱ्यांना दोन कोटी ५६ लाखांचे पिककर्ज वाटप झाले आहे. इतर बॅंकांकडूनही सध्या पात्र खातेदारांना पिककर्ज वाटपाचे काम सुरु होइल.
- प्रविण फडणीस
जिल्हा उपनिबंधक (सहकारी संस्था), नांदेड.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.