नांदेड : दुसऱ्या दिवशीही कोरोना रुग्णांच्या संख्येत वाढ

नांदेड : काही दिवसापूर्वी जिल्ह्यातील कोरोनाबाधित रुग्णांची संख्या बोटावर मोजण्याइतकीच शिल्लक होती. त्यामुळे जिल्हा लवकरच कोरोनामुक्त होईल, असा अनेकांचा अंदाज होता. परंतु मागीत तीन दिवसापासून कोरोना रुग्णांची संख्या दुप्पटीने वाढत आहे. बुधवारी (ता. पाच) प्राप्त झालेल्या एक हजार ३२ अहवालापैकी ४५ व्यक्तींचे अहवाल कोरोनाबाधित आले आहेत. दिवसभरात एक रुग्ण बरा झाल्याने त्यास सुटी देण्यात आली. सध्या १०३ रुग्ण उपचार घेत असून त्यापैकी तीन बाधितांची प्रकृती अतिगंभीर आहे. (corona update nanded)

जिल्ह्यात आजवर एकूण बाधितांची संख्या ९० हजार ६४६ एवढी झाली असून यातील ८७ हजार ८८८ रुग्णांना रुग्णालयातून सुटी देण्यात आली आहे. जिल्ह्यात आतापर्यंत बाधित मृत रुग्णांची संख्या दोन हजार ६५५ एवढ्यावर स्थिर आहे. बुधवारी नांदेड वाघाळा महापालीका हद्दीत तब्बल ३७ रुग्ण आढळून आले. नायगावला एक, बिलोलीत एक, हदगावला एक, कंधारला दोन, देगलूरला एक, मुखेडला एक व अकोला येथील एक असे मिळून ४५ जणांचे अहवाल बाधित आले आहेत.(nanded news)

सध्या विष्णुपुरीच्या डॉ. शंकरराव चव्हाण शासकीय रुग्णालयात आठ, नांदेड महापालिकातंर्गत गृह विलगीकरणातील ८८, नांदेड वाघाळा महापालिकेच्या श्री गुरु गोविंदसिंघजी स्मारक रुग्णालयात दोन, नांदेड जिल्ह्यातील तालुक्यांतर्गत गृहविलगीकरणातील एक तर खासगी रुग्णालयातील चार असे एकूण १०३ रुग्णांवर उपचार सुरु आहेत. त्यापैकी तिघांची प्रकृती गंभीर आहे.(Covid care center)

नांदेड कोरोना मीटर

• एकूण बाधित - ९० हजार ६४६

• एकूण बरे - ८७ हजार ८८८

• एकूण मृत्यू - दोन हजार ६५५

• सोमवारी बाधित - ४५

• सोमवारी बरे - एक

• सोमवारी मृत्यू - शून्य

• उपचार सुरु - १०३

• गंभीर रुग्ण - तीन