नांदेड : अयोध्येतील श्री राममंदिर प्राणप्रतिष्ठा सोहळ्यानिमित्त नांदेड शहर आणि परिसरामध्ये विविध कार्यक्रमांचे आयोजन करण्यात आले आहे. अवघे नांदेड राममय झाले असून हा सोहळा लोकोत्सव म्हणून साजरा होत आहे. त्याचबरोबर सजावटीसाठी देखील विविध वस्तू बाजारपेठेत दाखल झाल्या आहेत. विविध प्रकारच्या राम मुर्ती, झेंडे, आकाशदिव्यांनी बाजारपेठ सजली आहे.
श्री राममंदिर प्राणप्रतिष्ठा सोहळा दिवाळीसारखा साजरा करण्याचे आवाहन करण्यात आल्यामुळे अनेकांनी मंदिराची स्वच्छता साफसफाई केली आहे. तसेच मंदिरांवर तर काहींनी घरावर सजावट तसेच विद्युत रोषणाई केली आहे. बाजारपेठेत देखील राममंदिराच्या प्रतिकृतीसह विविध वस्तू, श्रीराम, सीता, लक्ष्मण, हनुमानाच्या प्रतिमा, झेंडे, तोरण, कापडी झेंडे, मफलर, टोपी, स्टिकर अशा वस्तू विक्रीसाठी आल्या आहेत. तसेच त्यांना मागणीही वाढली असल्याचे दुकान विक्रेत्यांनी सांगितले. त्याचबरोबर काहींनी अतिषबाजीसाठी आत्तापासूनच फटाक्यांची खरेदी करून ठेवली आहे.
काबरानगरात शोभायात्रा
श्री राममंदिर प्राणप्रतिष्ठा सोहळ्यानिमित्त प्रभू श्री रामचंद्र यांच्या मूर्तीची पावडेवाडी नाका ते काबरानगर अशी शोभायात्रा शनिवारी (ता. २०) सायंकाळी काढण्यात आली होती. या शोभायात्रेत भजनी मंडळ, विद्यार्थ्यांचे लेझिम पथक यांच्यासह महिला भाविक मोठ्या संख्येने सहभागी झाले होते.
भावसार चौकात सोमवारी कार्यक्रम
तरोड्यातील मालेगाव रोडवरील भावसार चौकात सोमवारी (ता. २२) कार्यक्रम येथे महाआरतीचे व महाप्रसादाचे रामभक्तांच्या वतीने सायंकाळी साडेसहा वाजता श्रीराम प्रभूंची महाआरती व फटाक्यांची अतिषबाजी तसेच महाप्रसादाचे आयोजन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
