कुरुंदवाड (कोल्हापूर) - लग्नापूर्वीचे फोटो व्हायरल करण्याची धमकी देत विवाहितेवर बलात्कार करून तिला जीवे मारण्याची धमकी दिल्याची घटना समोर आली आहे. याबाबत मिलिंद मधुकर पाटील (सैनिक टाकळी) याच्याविरुद्ध येथील पोलिसांत बलात्कार व ऍट्रॉसिटीचा गुन्हा दाखल केला आहे. याबाबतची फिर्याद पीडित महिलेने कुरुंदवाड पोलिसांत दिली आहे.
संशयित मिलिंद पाटील याने पीडित महिलेला वारंवार फोन करून माझा फोन उचलत जा, मला फोन करत जा नाही तर लग्नापूर्वीचे तुझे फोटो व्हायरल करेन, आपल्या प्रेमप्रकरणाबद्दल सासरच्या लोकांना माहिती सांगेन व तुला ठार मारेन, अशी जीवे मारण्याची धमकी देऊन पीडित महिलेच्या इच्छेविरुद्ध शरीर संबंध ठेवल्याचे फिर्यादीत म्हटले आहे. संशयित मिलिंद पाटील याच्याविरुद्ध बलात्कार आणि अनुसूचित जाती, जमाती अत्याचार प्रतिबंधक कायद्यानुसार ऍट्रॉसिटी गुन्हा दाखल केला आहे. तपास इचलकरंजीचे पोलिस उपअधीक्षक बाबूराव महामुनी करीत आहेत.
हे पण वाचा - ब्रेकिंग : पोलिस उप निरीक्षक लाचलुचपतच्या जाळ्यात
संपादन - धनाजी सुर्वे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.