कोल्हापूर : कोरोनाच्या कटु आठवणींना तिलांजली देत यंदा कोल्हापूरकर सरत्या वर्षाला निरोप देणार आहेत. मात्र, थर्टी फर्स्ट आणि मार्गशीर्ष गुरूवार, गुरूपुष्यामृत एकाच दिवशी आल्याने यंदा शाकाहारानेच घरोघरी आनंदोत्सवावर भर द्यावा लागणार आहे. दरम्यान, थर्टी फर्स्ट सेलीब्रेशनच्या पार्टीवरही यंदा मर्यादा असून नियमांचे उल्लंघन करणाऱ्यांवर पोलिसांची करडी नजर राहणार आहे.
कोल्हापूर आणि मांसाहार हे एक अतूट समीकरणच. थर्टी फर्स्टच्या निमित्ताने तर जोरदार आनंदोत्सवाची तयारी प्रत्येक वर्षी असते. यंदा मात्र कोरोनाच्या पार्श्‍वभूमीवर या सार्वजनिक ठिकाणी आनंदोत्सवाला मर्यादा येणार आहेत. तीस डिसेंबरला बुधवारी मांसाहाराचा बेतही यंदा अनेक ठिकाणी नसेल. कारण या दिवशी रेणुका देवीची सौंदत्ती यात्रा आहे. ही यात्रा यंदा रद्द झाली असली तरी त्यानिमित्ताने पाळली जाणारी परंपरा घरोघरी जपली जाणार आहे तर 29 डिसेंबरला मंगळवारी दत्त जयंती आहे. त्यामुळे थर्टी फर्स्टच्या निमित्ताने 27 डिसेंबरलाच बहुतांश ठिकाणी मांसाहारावर ताव मारला जाणार आहे.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.