सोलापूर : महापालिकेची कोट्यवधी रुपयांची कराची थकबाकी थकविणाऱ्यांवर आयुक्‍त पी. शिवशंकर यांच्या आदेशानुसार जप्तीची कारवाई केली जात आहे. हलगी वाजवून मालमत्ता जप्त केली जात आहे. संबंधित थकबाकीदारांना त्यांच्याकडील रक्‍कम भरण्यासाठी मुदत देऊनही थकबाकी न भरणाऱ्यांची मालमत्ता आता थेट जप्त केली जात आहे. माजी मंत्री लक्ष्मणराव ढोबळे यांच्यासह अन्य बड्या थकबाकीदारांची तथा त्यांच्याशी संबंधित मालमत्ता जप्त केली जात आहे. या धसक्‍याने श्री सिध्देश्‍वर साखर कारखान्याने तत्काळ थकबाकीपोटी 36 लाख 21 हजार तीन रुपयांचा धनादेश कर संकलन अधिकारी प्रदिप थडसरे यांच्याकडे सोपविला.
ठळक बाबी...
शहरातील काही मोजक्‍या मालमत्ताधारकांकडे मोठ्या प्रमाणावर थकबाकी आहे. दहा लाखांवरील थकबाकीदारांची सुनावणी महापालिका आयुक्‍त पी. शिवशंकर यांनी घेतली. त्यांना थकबाकी भरण्यासाठी मुदत दिली. त्यांच्याकडील शास्तीची रक्‍कम माफ करीत अभय योजना लागू केली. दुसरीकडे पाच ते दहा लाखांपर्यंत थकबाकी असलेल्यांची सुनावणी उपायुक्‍त जमीर लेंगरेकर यांनी घेतली. त्यांनाही थकबाकी भरण्यासाठी मुदत देण्यात आली आहे. मुदतीत थकबाकी न भरल्यास त्यांचीही मालमत्ता जप्त केली जाईल, अशी माहिती लेंगरेकर यांनी 'सकाळ'शी बोलताना दिली. महापालिकेअंतर्गत क्षेत्राचा विकास करण्यासाठी महापालिकेच्या तिजोरीत पैसा नाही. दुसरीकडे बड्या थकबाकीदारांना वारंवार बजावूनही त्यांनी थकबाकी भरलेली नाही. त्यांनी आगामी काही दिवसांत थकबाकी न भरल्यास त्यांची मालमत्ताही जप्त केली जाईल, असा इशारा लेंगरेकर यांनी दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.