बेळगाव : चंदनाची झाडे तोडून विक्रीसाठी नेण्याच्या तयारीत असल्यांचा पर्दाफाश करून ९० हजाराचे चंदन पोलिसांनी आज (२९) जप्त केले. रायबाग तालुक्यामधील बेक्केरी गावात 'डीसीआयबी' पथकाने कारवाई करून १० किलो ५ ग्रॅम चंदन जप्त केले आहे. पोलिसांतर्फे छापा घालण्यात येताना तिघांना ताब्यात घेण्यासाठी प्रयत्न झाले. परंतु दोघे फरार झाले. पण, एका पोलिसांनी अटक केली आहे.
रायबाग पोलिस ठाण्याच्या कार्यकक्षेतात बेक्केरी गाव आहे. याठिकाणी पोलिसांनी कारवाई केली. कारवाईत पोलिसांनी सुमारे ९० हजाराचे चंदन जप्त करण्यात आले आहे. बेक्केरीत रात्री चंदानाची झाडे तोडून विक्रीसाठी नेण्याची तयारी सुरु असल्याबाबतची खात्रीलायक माहिती डीसीआयबी विशेष पथकाकडे आली होती. त्यामुळे पथक स्थापन करून छापा घातला. संशयित आरोपींना ताब्यात घेण्याचा प्रयत्न केला. पण रात्री अंधाराचा फायदा घेऊन तेथून दोघे पळून जाण्यात यशस्वी ठरले. पण, एकाला पोलिसांनी ताब्यात घेतले. त्याची चौकशी केली. संशयिताकडून सुमारे साडेदहा किलो चंदन जप्त केले आहे. बाजारभावानुसार सुमारे ९० हजार जप्त केले.
बेळगाव जिल्हा पोलिस प्रमुख लक्ष्मण निंबरगी यांच्या मार्गदर्शनाखाली डीसीआयबी पथकाने कारवाई केली. कारवाईत पोलिस उपनिरीक्षक बी. जे. पाटीलसह हेड कॉन्स्टेबल व्ही. व्ही. गायकवाड, टी. के. कोळची आदी सहभागी होते. दरम्यान, प्रकरणाची नोंद रायबाग पोलिस ठाण्यात झालेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
