येत्या तीन महिन्यांत विधानसभा निवडणुकीचे रणांगण सुरू होणार आहे. निवडणुकीसाठी अवघे काही दिवस शिल्लक असल्याने राजकीय हालचाली सुरू झाल्या आहेत.
तासगाव : लोकसभा निवडणुकीची चर्चा अजून सुरू असतानाच तासगाव तालुक्यात विधानसभा निवडणुकीची चाहूल लागली आहे. तब्बल २० वर्षांनंतर विधानसभेसाठी आबा-काका गट आमने-सामने येण्याची चिन्हे दिसू लागली असून, रोहित पाटील (Rohit Patil) आणि प्रभाकर पाटील (Prabhakar Patil) यांनी प्राथमिक बैठका सुरू केल्या आहेत. लोकसभेनंतर आता विधानसभेसाठी कार्यकर्ते कामाला लागले आहेत.
तासगाव, कवठेमहांकाळ विधानसभा मतदारसंघ (Tasgaon, Kavathe Mahankal Assembly Constituency) तयार झाल्यापासून तीन विधानसभा निवडणुका आणि एक पोटनिवडणूक झाली आहे. येत्या तीन महिन्यांत विधानसभा निवडणुकीचे रणांगण सुरू होणार आहे. निवडणुकीसाठी अवघे काही दिवस शिल्लक असल्याने राजकीय हालचाली सुरू झाल्या आहेत. २००४ च्या निवडणुकीनंतर आणि तासगाव कवठेमहांकाळ विधानसभा मतदारसंघ तयार झाल्यापासून विधानसभा निवडणुकीसाठी आबा काका गट प्रथमच आमने-सामने येऊ घातले आहेत.
२००४ च्या विधानसभा निवडणुकीनंतर संजय पाटील यांनी राष्ट्रवादी काँग्रेसमध्ये प्रवेश केला आणि त्यांची विधान परिषदेवर आमदार म्हणून निवड झाली. २००९ मधे मतदारसंघ पुनर्रचना होऊन तासगाव, कवठेमहांकाळ विधानसभा मतदारसंघ तयार झाला. त्यानंतर २००९ ते २०१९ दरम्यान तीन विधानसभा निवडणुका झाल्या. मात्र दिवंगत नेते आर. आर. पाटील आणि माजी खासदार संजय पाटील अथवा त्यांचे गट हे विधानसभा निवडणुकीसाठी थेट आमनेसामने आलेच नाहीत.
२०१९ च्या लोकसभा निवडणुकीत आबा गटाने संजयकाकांना तर विधानसभा निवडणुकीत काका गटाने आबा गटाला पाठिंबा दिला होता. आता तब्बल २० वर्षांनंतर राष्ट्रवादीकडून रोहित पाटील यांचे तर भाजपकडून प्रभाकर पाटील अशी ही दुसरी पिढी मैदानात उतरणार असल्याचे स्पष्‍ट झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
