रायबाग : साधूच्या वेशात वावरणाऱ्या वृद्धाचा रायबाग तालुक्यातील मुगळखोड शहरात मृत्यू झाला. त्याच्या डोक्याला मार लागला आहे. शिवाय नाकातून रक्तस्त्राव झाल्याने खून झाल्याचा संशय व्यक्त होत आहे. शुक्रवारी (ता. २५) रात्री ही घटना घडली. मयत वृद्ध अनोळखी असल्याची नोंद हारुगेरी पोलिस ठाण्यात झाली आहे. पोलिस त्याच्या नातेवाईकांसह संशयिताचा शोध घेत आहेत.
याबाबत अधिक माहिती अशी, गेल्या सहा महिन्यांपासून मुगळखोड शहरात साधूच्या वेशात अनोळखी वृद्ध वावरत होता. तो शहरातील एका बसस्थानकात वास्तव्य करत. याच ठिकाणी आणखी एक जण रहात होता. दोघांमध्ये बसस्थानकात वास्तव्य करण्यावरून बाचाबाची व झटापट झाली. यावेळी डोक्याला मार लागल्याने नाकातून रक्तस्त्राव झाल्याने काल (ता. २५) रात्री बसस्थानकात तो मृतावस्थेत आढळून आला. बसस्थानकात वास्तव्यावरून हा खून झाल्याचा संशय पोलिसांकडून व्यक्त होत आहे.
हारूगेरी पोलिसांनी उपनिरीक्षक राघवेंद्र खोत यांच्या मार्गदर्शनाखाली घटनास्थळी भेट देऊन पाहणी केली आहे. अध्याप मृताची ओळख पटलेली नाही. तसेच संशयिताचा शोध घेण्यात येत आहे. हारुगेरी पोलिस ठाण्यात गुन्हा दाखल करण्यात आला असून पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
