![पेरणी](http://media.assettype.com/esakal%2F2022-06%2F30688cc0-c027-4299-82bd-236608ab1081%2Fsdfghjk.jpg?w=480&auto=format%2Ccompress&fit=max)
बेळगाव : जागतिक पर्यावरण दिनानिमित्त वन खात्यातर्फे रविवारी झाडाच्या बियाण्यांची लागवड करण्यात आली. लिंगराज महाविद्यालयाचे विद्यार्थी आणि विविध सामाजिक संस्थांच्या माध्यमातून कणबर्गी येथील वनप्रदेशातील खुल्या जागेत विविध झाडांच्या बियाण्यांची पेरणी करून बीज पेरणी उत्सव साजरा करण्यात आला. येत्या १२ तारखेपर्यंत बियाण्यांची पेरणी केली जाणार आहे.
झाडांची संख्या कमी होत चालल्याने प्रदूषणात झपाट्याने वाढ होत आहे. वनसंपत्ती नष्ट होत चालल्याने प्रत्येकाने किमान वर्षातून एक तरी झाड लावून त्याची जपणूक करावी. असे आवाहन विविध सामाजिक संस्था व वन खात्याकडून केली जाते. दरवर्षी ५ जूनला जागतिक पर्यावरण दिन साजरा केला जातो. या दिवशी वेगळ्या ठिकाणी झाडांची लागवड केली जाते. त्यामुळे यावेळी वनखात्याच्या वतीने बीज पेरणी उत्सव सुरू करण्यात आला आहे. ५ जून ते १२ जूनपर्यंत हा उत्सव वनखात्याच्या वतीने आयोजित करण्यात आला असून यादरम्यान जिल्ह्यात विविध ठिकाणी मोकळ्या जागेत तसेच वन प्रदेशात विविध प्रकारच्या झाडांचे बियाण्यांची पेरणी केली जात आहे. शेवगा, पळस, कापूस, वड आणि फणस या जातीच्या झाडांच्या बेण्याची लागवड केली जात आहे.
कणबर्गी वनविभागात दहा हेक्टरमध्ये पाच हजार बियाण्यांची लागवड केली जाणार आहे. याचबरोबर जिल्ह्यातील विविध वन परिसरात ही मोहीम राबविली जात आहे. आज कणबर्गी पेरणीसाठी कॉलेज रोड वरील लिंगराज महाविद्यालयाच्या विद्यार्थ्यांची मदत घेण्यात आली. या वर्षी प्रथमच वन विभागाच्या वतीने ही मोहीम हाती घेण्यात आली आहे. या वेळी वनक्षेत्रपाल शिवानंद मगदूम, उपवनक्षेत्राल विनय गौडर व त्यांचे सहकारी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.