महाआघाडीचे पॅनेल निश्चित केल्यानंतर भाजपाची यादी उशिरापर्यंत जाहीर झाली नव्हती.
सांगली - जिल्हा मध्यवर्ती बॅंकेच्या पंचवार्षिक निवडणुकीत महाविकास आघाडीचे सहकार विकास पॅनेल आणि भाजपाचे शेतकरी विकास पॅनेल यांच्यात लढत निश्चित झाली आहे. भाजपचे खासदार व विद्यमान संचालक संजयकाका पाटील यांनी निवडणूक रिंगणातून माघार घेतली आहे. त्यामुळे राजकीय वर्तुळात चर्चा रंगली आहे.
21 जागांच्या निवडणुकीत मोठ्या संख्येने अर्ज दाखल झाले होते. 316 उमेदवारांचे अर्ज वैध ठरले होते. अर्ज माघारीसाठी आज गर्दी झाली होती. अर्ज माघारीनंतर शिवसेनेचे आमदार अनिल बाबर, राष्ट्रवादीचे आमदार मानसिंगराव नाईक, कॉंग्रेसचे महेंद्र लाड हे बिनविरोध झाले.
सहकार विकास पॅनेल (महाआघाडी) : सोसायटी गट :
आटपाडी - तानाजी पाटील, कवठेमहांकाळ - अजितराव घोरपडे, खानापूर - अनिल बाबर, पलुस - महेद्र लाड, कडेगाव - मोहनराव कदम, वाळवा - दिलीप पाटील, शिराळा - मानसिंगराव नाईक, मिरज - विशाल पाटील, जत - विक्रम सावंत, तासगाव - बी. एस. पाटील. महिला राखीव - जयश्री मदन पाटील, अनिता विजय सगरे.
अनुसूचित जाती-जमाती - बाळासाहेब होनमोरे, ओबीसी - मन्सुर खतीब, विमुक्त जाती व भटक्या जमाती - राजेंद्र डांगे, इतर सहकारी संस्था - वैभव शिंदे, प्रक्रिया संस्था - सुरेश पाटील, पतसंस्था गट - किरण लाड, पृथ्वीराज पाटील, मजूर संस्था - हणमंतराव देशमुख, सुनील ताटे. महाआघाडीचे पॅनेल निश्चित केल्यानंतर भाजपाची यादी उशिरापर्यंत जाहीर नव्हती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
