वारणावती - चांदोली हे ३४.४० टीएमसी पाणी साठवण क्षमता असणारे मातीचे धरण आहे. चांदोली धरण परिसरात पावसाचे प्रमाण अधिक असते, म्हणून या परिसराला ‘मिनी कोकण’ संबोधले जाते. अशा चांदोली धरण परिसरात १ जुलैनंतर पडलेल्या मुसळधार पावसाने चांदोली धरण पन्नास टक्के भरले आहे.
या वर्षी पावसाला उशिरा सुरवात झाली, शिवाय जूनअखेर पुरेसा असा पाऊस पडलाच नाही. त्यामुळे धरणातील पाणीसाठ्यात वाढ होत नव्हती. मात्र १ जुलैनंतर पावसाने दमदार हजेरी लावली. त्यानंतर पावसाने आठवडाभर उघडीप दिली नाही.
१ ते ७ जुलै अशी पावसाने जोरदार मुसळधार अतिवृष्टी केल्याने चांदोली धरणाच्या पाणीसाठ्यात झपाट्याने वाढ झाली. ३० जून रोजी १० टीएमसी पाणीसाठा शिल्लक होता. मात्र १ जुलैनंतर ७ जुलैपर्यंत ५ टीएमसी पाणीसाठ्याची वाढ होऊन धरणातील पाणीसाठा १५.८५ टीएमसी झाला होता.
पावसाने त्यानंतर उघडीप दिली आहे. मात्र धरणात पाण्याची आवक सुरू होती त्यामुळे पाणीसाठ्यात वाढ होऊन पाणीसाठा १७.२५ टीएमसी झाला आहे. त्याची टक्केवारी ५०.१५ आहे.चांदोली धरण हे सांगली, कोल्हापूर व सातारा जिल्ह्यातील शेतीला वरदान ठरत आहे. प्रतिवर्षी हे धरण शंभर टक्के भरले जाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.