Shirala Nagpanchami : बत्तीस शिराळ्यातील प्रसिद्ध नागपंचमी बघायची आहे? मग, तिथं जाण्यापूर्वी ही बातमी आधी वाचा..

शिराळा : येथे नागपंचमी (Nagpanchami) निमित्ताने वाहनांची संख्या असणार आहे. त्यामुळे नियमित रस्त्यावर वाहतुकीचा ताण पडून रहदारीस अडथळा होवू शकतो. त्यासाठी पेठनाका ते शिराळापर्यंतच्या वाहतूक मार्गात बदल करण्यात आला आहे.

येथील नागपंचमी यात्रा सोमवारी (ता. २१) होणार आहे. यात्रेस जिल्हा तसेच जिल्ह्याबाहेरील विविध भागांतून मोठ्या प्रमाणावर भाविक मोठ्या संख्येने येतात. राष्ट्रीय महामार्ग क्र. ४ पेठनाका येथून सर्व वाहने एकेरी मार्गाने शिराळ्याकडे जातील.

असा असेल पर्यायी मार्ग

शिराळाकडून राष्ट्रीय महामार्ग ४ कडे जाणारी सर्व वाहने शिराळा बायपासमार्गे कापरी- कार्वे ढगेवाडी फाटा- ऐतवडे बुद्रुक फाटा-लाडेगाव-वशी येडेनिपाणी फाटा या मार्गाने महामार्ग क्र ४ कडे जातील. शिराळा बायपास येथून पेठनाक्याकडे जाणाऱ्या सर्व वाहनांना प्रवेश बंद राहील. आदेशाचे उल्लंघन करणाऱ्यावर कडक कारवाई करण्याचा इशारा पोलिस प्रशासनाने दिला आहे.