बेडकिहाळ : चाँद शिरदवाड येथील बसस्थानकानजीक गुरुवारी (ता. १७) रात्री ९ वाजण्याच्या सुमारास दुभाजकाला दुचाकी धडकली. त्यात एकजण जागीच ठार झाला. सुधीर नागप्पा मादीग (वय २५, रा. मुगळी, ता. चिक्कोडी) असे मयत युवकाचे नाव आहे. (Chikkodi Accident One Death)
याबाबत अधिक माहिती अशी, चिक्कोडीहून बोरगावकडे होंडा कंपनीची सीबी-शाईन दुचाकी (केए २३ इएस ८०५८) घेऊन मुगळी (ता. चिक्कोडी) येथील युवक सुधीर नागप्पा मादीग (वय २५) हा वेगाने निघाला होता. दुभाजकाला धडकल्याने त्याचा जागीच मृत्यू झाला. सुधीर हा पेंटर काम करून उपजिवीका करत होता. रात्री बसस्थानकावर अपघात होताच नागरिकांची गर्दी झाली होती. घटनास्थळी सदलगा पोलिसांनी भेट दिली.
पोलिस उपनिरीक्षक रवींद्र अज्जन्नावर यांच्या मार्गदर्शनाखाली पाहणी करून पंचनामा केला असून पुढील तपास सुरू आहे. या घटनेची नोंद सदलगा पोलिस स्थानकात झाली आहे. रात्री सदलगा आरोग्य केंद्रात उत्तरीय तपासणी करून मृतदेह नातेवाईकांच्या ताब्यात देण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.