बेळगाव - तरुणाचा खून करून मृतदेह रेल्वे रुळावर फेकून देण्यात आल्याची खळबळजनक घटना सोमवारी बुदिहाळ (ता. गोकाक) येथे उघडकीस आली आहे. दुर्गाप्पा भीमराय बिचगत्ती (वय ३०, रा. बुदिहाळ ता. गोकाक) असे त्याचे नाव असून याप्रकरणी अंकलगी पोलिस ठाण्यात अज्ञात मारेकऱ्यविरोधात गुन्हा दाखल झाला आहे.
घटलेली घटना अशी की, दुर्गाप्पाचा भाऊ राजू याने याप्रकरणी अंकलगी पोलिस ठाण्यात फिर्याद दिली आहे. दुर्गाप्पा हा रविवार (ता.२९) रात्री दहाच्या दरम्यान घरातून बाहेर गेला होता. अज्ञातांनी त्याचा बुदिहाळ गावातील बसलींगप्पा दोडमनी यांच्या जमिनीवर खून करून पुरावा नष्ट करण्यासाठी मृतदेह रेल्वेरुळावर फेकून दिला. सोमवार (ता. ३०) सकाळी ७ च्या सुमारास ही घटना उघडकीस आल्यानंतर अंकलगी पोलिसांनी घटनास्थळी भेट देऊन पंचनामा केला. रेल्वे त्याच्या शरीरावरुन गेल्याने यामध्ये मृतदेहाचे दोन तुकडे झाले आहेत. पोलिसांनी अज्ञात मारेकऱ्यांच्या विरोधात गुन्हा दाखल करून घेऊन तपास हाती घेतला आहे. अंकलगीचे पोलिस उपनिरीक्षक प्रकाश एम राठोड पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
