उसाच्या फडात आढळला महिलेचा मृतदेह; कोळीगुड येथील घटना

रायबाग : अथणी-गोकाक मार्गावरील कोळीगुड येथे आज उसाच्या फडात एका महिलेचा मृतदेह आढळून आला. गळा आवळून खून केला असल्याचा संशय व्यक्त होत आहे. मयत महिला महाराष्ट्रातील असल्याची शक्यता आहे. हारुगेरी पोलिस ठाण्यात घटनेची नोंद झाली आहे. (crime case)

याबाबत पोलिसांतून मिळालेली माहिती अशी, रायबाग तालुक्यातील कोळीगुड या गावातील केदारी जुमनाळ उर्फ इटगीहाळ यांच्या शेतात एका 35 ते 40 वर्षीय महिलेचा मृतदेह उसाच्या फडात आढळला आहे. त्या महिलेच्या अंगावर लाल साडी, निळे ब्लाऊज असून डाव्या हातावर कन्नडमध्ये यमनप्पा तर मराठीत तरवीर लिहिले आहे. (crime news, koligud) तसेच उजव्या हातावर महादेव लिहिले आहे. प्रथम दर्शनी या महिलेचा गळा आवळून खून केल्याचा संशय आहे. मृतदेहाजवळ पट्टा, गळ्यात दुपट्टा असल्याने खूनाचा संशय वाढला आहे. या महिलेचा गळा आवळून मारल्याचा संशय दिसून येत आहे. ही महिला महाराष्ट्रातील असण्याची शक्यताही वर्तविली जात आहे. हा प्रमुख मार्ग असतानाही पहाटेच्यावेळी वाहतूक नसताना ही घटना घडली आहे. (police action)

घटनास्थळी अथणीचे पोलिस मंडल पोलिस निरीक्षक के. एस. हट्टी यांनी भेट देऊन पाहणी केली. हारुगेरीचे उपनिरीक्षक राघवेंद खोत तपास करत आहेत. हारुगेरी पोलिस ठाण्यात घटनेची नोंद झाली आहे. उतरणीय तपासणीसाठी मृतदेह बेळगावच्या बिम्स रुग्णालयाला पाठवला आहे. पोलिसांसमोर खुनाचे रहस्य उलघडण्याचे आव्हान आहे. या खुनामुळे कोळीगुड परिसरात भीतीचे वातावरण निर्माण झाले आहे.