ED Action: राजारामबापू सहकारी बँकेच्या कार्यालयासह 14 ठिकाणी EDचे छापे

गेल्या काही दिवसांपासून राज्यात ईडीने छापेमारी सुरू केली आहे. सांगली शहरातील इलेक्ट्रिक साहित्याची विक्री करणाऱ्या सुरेश आणि दिनेश पारेख बंधू, अरविंद आणि ऋषिकेश लढ्ढा या चार बड्या व्यापाऱ्यांसह पिंटू बियाणी या व्यापाऱ्यावर काल ईडीच्या पथकांनी छापे टाकून तपासणी केली आहे.(Latest Marathi News)

आर्थिक अनियमिततेच्या संशयावरून हे छापे टाकण्यात आल्याचे सांगण्यात येत आहे. ११ वाहनांमधून ६० अधिकारी या कारवाईसाठी सांगलीत दाखल झाले होते. तर या पथकासोबत आलेल्या सीआरपीएफच्या जवानांचा बंगल्यासमोर मोठा बंदोबस्त तैनात करण्यात आला होता. (Latest Marathi News)

दरम्यान या छापेमारीवेळी गुप्तता पाळण्यात आली होती. शहरातील शासकीय रुग्णालयामागे त्रिकोणी बागेसमोर दिनेश पारेख आणि सुरेश पारेख या व्यापारी भावांचे शेजारी-शेजारी बंगले आहेत. दोघेही इलेक्ट्रिक साहित्याचे मोठे व्यापारी आहेत. दोघांच्या घरांवर काल (२३ जून) सकाळी ७ वाजता ईडीने छापा टाकला. त्यानंतर काही वेळात न्यू प्राइड मल्टिप्लेक्स शेजारच्या व्यंकटेशनगरातील अरविंद आणि ऋषिकेश लढ्ढा या इलेक्ट्रिक साहित्याच्या व्यापाऱ्यांच्या घरांवरही ईडीच्या पथकांचे छापे टाकले. यासोबतच पिंटू बियाणी या व्यापाऱ्यांच्या घरावरही ईडीच्या पथकांचे छापे टाकले. (Latest Marathi News)

या पाच व्यापाऱ्याकडे चौकशी करताना ईडीने व्यापाऱ्याची खाती असलेल्या संबधित बँकेत देखील चौकशी केली आहे. यामध्ये पेठ येथील राजारामबापू पाटील सहकारी बँकेच्या मुख्य कार्यालयातही जाऊन ईडीच्या एका पथकाने या व्यापाऱ्यांच्या खात्याबाबाबत चौकशी केल्याची माहिती समोर आली आहे. मध्यरात्री अडीच वाजता ईडीचे अधिकारी संपूर्ण चौकशी आटपून मुंबईकडे रवाना झाले आहेत.(Latest Marathi News)