सांगली - दत्त इंडियाने कारखान्याने फोडली ऊस दराची कोंडी

सांगली : जिल्ह्यातील ऊसदराबाबत उत्सुकता वाढली असताना वसंतदादा कारखाना भाडेतत्वावर चालवणार्‍या दत्त इंडिया कंपनीने कोंडी फोडली. एकरकमी एफआरपी 2821 रुपये देण्याची घोषणा करण्यात आली. तसेच कामगारांना 19 टक्के बोनस व दहा किलो साखर देण्याचे जाहीर केले.

दत्त इंडिया कंपनीचा पाचवा गळीत हंगाम प्रारंभ आज गव्हाणीत ऊसाची मोळी टाकून करण्यात आला. वसंतदादा कारखान्याचे अध्यक्ष विशाल पाटील, जिल्हा बॅंकेचे अध्यक्ष दिलीप पाटील, दत्त इंडियाचे संचालक चेतन धारु, करण रुपारेल, उपाध्यक्ष मृत्युंजय शिंदे, शरद मोरे, वसंतदादाचे उपाध्यक्ष सुनील आवटी व संचालक उपस्थित होते. महंत विद्वांस शामसुंदर शास्त्री यांच्याहस्ते मोळीचे पूजन झाले.

उपाध्यक्ष शिंदे म्हणाले, यंदाच्या हंगामात साडे दहा लाख टन ऊस गाळपाचे उद्दीष्ट्ये आहे. ऊसाला एकरकमी 2821 रुपये एफआरपी दिली जाईल. कामगारांना सव्वा दोन पगार इतका बोनस दिला जाईल. वसंतदादाची थकीत रक्कम वर्ग केली जाईल. शेतकर्‍यांनी जास्तीत जास्त ऊस गळीतास आणावा. बाहेरुन काटा करुन ऊस आणल्यास तो स्विकारला जाईल. वसंतदादा कारखान्यात गेल्या 62 वर्षात कधीही काटामारी झाली नाही. यावेळी कामगार संघटनेचे प्रदीप शिंदे, स्वाभिमानी शेतकरी संघटनेचे महेश खराडे, जिल्हा बॅंक सरव्यवस्थापक बी. एम. रामदुर्ग आदी उपस्थित होते.