...त्यामुळे १०५  वर्षाचे आजोबा अजूनही ठणठणीत   

बेळगाव : बदलत्या जीवनशैलीमुळे व अन्य विविध कारणांमुळे अनेकजण वयाच्या साठी-सत्तरीतच "हे राम' म्हणतात. अशा स्थितीत 105 व्या वर्षांची व्यक्ती अजूनही तब्येतीने धडधाकट आणि मनाने चिरतरुण असू शकते, यावर अनेकांचा विश्‍वास बसणार नाही. मात्र, अशी व्यक्ती बेळगावातच आहे. या तरुणाचे नाव आहे रामचंद्र बाळाप्पा गिंडे. 

हे पण वाचा - व्हिडिओ - ...आणि दिव्यांग आंदोलक चढले जिल्हा परिषदेच्या इमारतीवर 

मूळचे जालगार गल्लीतील असणाऱ्या श्री. गिंडे यांचे बसव कॉलनीत घर आहे. त्यांनी 105 व्या वर्षात पदार्पण केल्याबद्दल कॉलनीतील रहिवासी आणि त्यांच्या नातेवाईकांतर्फे त्यांचा नुकताच सत्कार झाला. यावेळी श्री. गिंडे यांनी आपला जीवन प्रवास उलगडताना उपस्थितांना थक्क करुन सोडले. विविध क्षेत्रात सुमारे 80 वर्षे सेवा केलेल्या श्री. गिंडे यांनी आरोगी, आनंदी आणि सुखी जीवनाचा गुरुमंत्रच सांगितला. 

हे पण वाचा -  सावधान  ! अधिकाऱ्यांची पर्ससीन नौकांवर होणार कारवाई...

गरीबीमुळे उच्च शिक्षण घेता न आल्याने त्यांनी बेळगाव म्युन्सिपॉलिटीत सेवा सुरु केली. एक वर्षानंतर त्यांना महसूल खात्यात नोकरी मिळाली. त्यानंतर अनेक ठिकाणी शिरस्तेदार, सर्कल, तहसीलदार म्हणून त्यांनी सेवा बजावली. त्यावेळी त्यांनी शाळांच्या इमारती बांधण्यासाठी मोठे योगदान दिले होते. कारवारमधून ते 1970 मध्ये सेवानिवृत्त झाले. त्यानंतर स्मॉल फार्मर्स डेव्हलपमेंट एजन्सीचे व्यवस्थापक म्हणून शासनाने त्यांची नियुक्ती केली. या पदावर त्यांनी 13 वर्षे सेवा केली. तर 1983 ते 2010 पर्यंत शेख होमिओपॅथिक कॉलेजमध्ये व्यवस्थापकीय अधिकारी म्हणून सेवा बजावली. प्रामाणिकपणा, शांत स्वभाव, नम्रता, मन आनंदी ठेवणे, सतत कामात असणे हे आपल्या आरोग्याचे रहस्य असल्याचे ते सांगतात.