कर्नाटकातील हिजाब प्रकरणाचे बेळगावात पडसाद, पोलिस बंदोबस्तात वाढ

बेळगाव - हिजाब प्रकरणाने (Hijab Case) संपूर्ण राज्य ढवळून निघाले आहे. आता याचे पडसाद बेळगावात (Belgaum) देखील उमटू लागले आहेत. येथील जोती महाविद्यालयात देखील विद्यार्थ्यांनी (Student) गळ्यात भगवे शाल घालून प्रवेश केला. मंगळवार (ता. ८) याबाबतचा व्हिडिओ सोशल मीडियावर (Social Media) व्हायरल झाला आहे. कायदा व सुव्यवस्थेच्या दृष्टिकोनातून सर्व ग्रामीण भागात पोलीस बंदोबस्तात (Police Bandobast) वाढ करण्यात आली आहे.

गेल्या आठ दिवसापासून हिजाब वरून राज्यात घमासान सुरू आहे. महाविद्यालयीन विद्यार्थी आणि विद्यार्थिनी हिजाबच्या विरोधात गळ्यामध्ये भगवे शाल परिधान करून शाळा-महाविद्यालयांना येत आहेत. त्यामुळे काही ठिकानी तणावाचे वातावरण निर्माण झाले आहे. कायदा व सुव्यवस्थेच्या दृष्टिकोनातून राज्यातील काही जिल्ह्यांमध्ये कलम १४४ नुसार जमावबंदी देखील लागू करण्यात आली आहे.

हे प्रकरण चिघळू नये यासाठी मंगळवार (ता.८) मुख्यमंत्री बसवराज मुंबई यांनी बुधवार पासून तीन दिवस राज्यातील शाळा महाविद्यालय बंद ठेवण्याचा आदेश बजावला आहे. त्यातच हिजाबचे लोन बेळगाव पर्यंत येऊन पोहोचले आहे. येथील ज्योती महाविद्यालयात आज विद्यार्थ्यांनी गळ्यात भगवे शाल परिधान करून प्रवेश केला. त्यामुळे काही वेळ गोंधळाचे वातावरण निर्माण झाले होते. या घटनेचा व्हिडीओ सोशल मीडियावर व्हायरल झाला असून याप्रकरणाची सर्वत्र चर्चा सुरू आहे. कायदा व सुव्यवस्था या दृष्टीकोनातून पोलीस खात्याच्या वतीने शहरात खडक पोलीस बंदोबस्त तैनात करण्यात आला आहे.