वाळवा : येथील पद्मभूषण क्रांतिवीर नागनाथअण्णा नायकवडी हुतात्मा किसन अहिर साखर कारखान्याच्या पंचवार्षिक निवडणुकीसाठी प्रक्रिया आज सुरू झाली. पहिल्या टप्प्यात संस्था गटातील ठराव देण्याची नोटीस निवडणूक अधिकारी तथा प्रादेशिक साखर सहसंचालक (कोल्हापूर) यांनी जारी केली. जुलैपर्यंत धामधूम सुरू राहील.
कारखान्याचे आठ हजार सभासद आहेत. जवळपास दीड हजार मतदार हयात नाहीत. कार्यक्षेत्र पंधरा गावे आहेत. वाळवा व पलूस तालुक्यातील गावे कार्यक्षेत्रात येतात. सात वाड्या व आठ गावे आहेत. अध्यक्ष वैभव नायकवडी यांची एकहाती सत्ता आहे. स्थापनेपासून संस्थापक गटाची सत्ता आहे. संस्थापक क्रांतिवीर नागनाथअण्णा नायकवडी यांनी वंचित, पददलित जनतेला प्रतिनिधित्व देऊन कामकाज केले. त्या काळात हुतात्मा राज्य व राष्ट्रीय पातळीवर आदर्श कारखाना म्हणून ओळखला जात अले.
अण्णांच्या नंतर सभासदांनी या कारखान्याची सूत्रे नायकवडी यांच्याकडे दिली. त्यांची तिसऱ्यांदा अध्यक्ष म्हणून निवड झाली. सुरुवातीला त्यांनी चांगली कामगिरी नोंदवली. एकहाती सत्ता असूनही त्यांना गेल्या निवडणुकीत तिसऱ्या क्रमांकाची मते मिळाली. निवडणुकीत विरोधी गट सातत्याने नशिब आजमावत आहे. वीस वर्षांत त्यांना अपेक्षित यश मिळाले नाही. यावेळच्या निवडणुकीतही विरोधी गट ताकदीने उतरण्याची तयारी करीत आहे. निवडणुकीचे मैदान दोन महिन्यांवर आहे. तोपर्यंत विरोधी गटाने कार्यक्षेत्रात संपर्क वाढवला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.