आज सांगलीत कडकडीत बंद पाळण्यात आला असून कायदा सुव्यवस्थेचा प्रश्न निर्माण होऊ नये म्हणून पोलिसांचा मोठा फौज फाटा तैनात आहे.
सांगली : जालना जिल्ह्यातील अंतरवाली सराटी इथं आंदोलनावेळी (Jalna Maratha Andolan) सकल मराठा समाजावर झालेल्या लाठीमाराच्या निषेधार्थ आज मराठा क्रांती मोर्चानं सांगली जिल्हा बंदची हाक दिली आहे.
त्याला विविध समाज संघटना, व्यापारी संघटना, श्री शिवप्रतिष्ठान, रिक्षा, पानपट्टी असोसिएशन, हॉटेल संघटनांनी पाठिंबा दिला आहे. आज कडकडीत बंद पाळण्यात आला असून कायदा सुव्यवस्थेचा प्रश्न निर्माण होऊ नये म्हणून पोलिसांचा मोठा फौज फाटा तैनात आहे.
दरम्यान, आज सकाळी येथील मध्यवर्ती बस स्थानक परिसरात टायर पेटवल्याने काही काळ तणावाचं वातावरण होतं. मराठा क्रांती मोर्चानं बंद शांततेत पाळण्याचं आवाहन केलं आहे. मराठा समाजाला आरक्षण (Maratha Reservation) मिळावं, या मागणीसाठी जोरदार घोषणाबाजी येथील स्टेशन चौकात देण्यात आल्या.
सकाळी दहाच्या सुमारास आंदोलकांची मोठी गर्दी जमली होती. हातात भगवे झेंडे घेत राज्य सरकार विरोधात जोरदार घोषणाबाजी करण्यात आली. शहरातील प्रमुख बाजारपेठांसह सर्व व्यापाऱ्यांनी स्वयं स्फूर्तीने बंदमध्ये सहभाग नोंदवला. रिक्षा संघटना, हॉकर्स, हातगाडी, पानपट्टी संघटनांनी देखील पाठिंबा दिला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.