कोल्हापर : राज्याच्या राजकारणातील अष्टपैलू नेतृत्त्व म्हणून परिचित असलेल्या जलसंपदा मंत्री जयंत पाटील यांची कोल्हापुरात झालेल्या पुतण्याच्या लग्नातील गायिकी चर्चेचा विषय ठरली आहे. येथील महासैनिक दरबार हॉलमध्ये झालेल्या या विवाहाच्या हळदीच्या कार्यक्रमात पाटील यांनी 'रातकली एक ख्वॉब मे आई' हे गाणे कराओकेवर म्हणून उपस्थितांची वाहवा मिळवली.
मंत्री पाटील यांच्या पुतण्याचा विवाह समारंभ कोल्हापुरातील मानसिंगराव घोरपडे यांच्या कन्येशी महासैनिक दरबार हॉलमध्ये थाटात झाला. या विवाहाच्या हळदीचा कार्यक्रम काल सायंकाळी याच हॉलमध्ये झाला. त्यावेळी कराओके संगीत मैफीलीचे आयोजन करण्यात आले होते. ही मैफिल सुरू झाल्यानंतर पाटील यांनाही करोओकवर गाणे म्हणण्याचा मोह आवरला नाही. त्यांनी हातात माईक घेऊन 'रातकली एक ख्वॉब मे आई' हे गाणे सादर करून सर्वांनाच आश्चर्याचा धक्का दिला.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.