सुमन यांच्या मृत्यूची बातमी गावात समजताच गावावर शोककळा पसरली. शांत, संयमी स्वभावाच्या सुमन भक्ती मार्गात होत्या. वारीला जाताना गावातील सर्वांना भेटून गेल्या होत्या.
चंदगड : कार्तिक वारीसाठी (Kartik Wari 2024) पंढरपूरला निघालेल्या दिंडीत (Pandharpur Dindi) दुचाकी घुसून झालेल्या अपघातात चंदगडची वारकरी महिला ठार झाली. सुमन धोंडिबा पाटील (वय ५०, मोरेवाडी, ता. चंदगड) असे त्यांचे नाव आहे. रत्नागिरी-नागपूर राष्ट्रीय महामार्गावर (Ratnagiri-Nagpur Highway Accident) सांगली जिल्ह्यातील बोरगाव (ता. कवठेमहांकाळ) हद्दीत काल दुपारी दोनच्या सुमारास अपघात झाला.