सबस्क्राईब करा
सोळांकूर : गेली दहा वर्षे महावितरणचे उंबरे झिजवूनही महावितरणची वीज पोहचू शकली नाही. अंधारात प्रपंच चालवणाऱ्या सुळंबी,( ता.राधानगरी) येथील सखाराम तुकाराम पाटील यांच्या राहत्या घरात आमदार सतेज पाटील यांनी वाटप केलेल्या सौर ऊर्जेवरील दिव्याचा पहिल्यादाच प्रकाश पडल्यामुळे गेली दहा वर्षे अंधकारमय असणारे घर प्रकाशाने उजळले. तेही मुलाच्या लग्नदिवशीच हा त्यांच्या कुटुंबियासाठी दुग्धशर्करा योग होता.
विधान परिषदेतील काँग्रेसचे गटनेत सतेज पाटील यांच्या वाढदिवसानिमित्त जिल्ह्यातील विविध ठिकाणी विविध कारणांमुळे महावितरणची वीज आजपर्यंत पोहचू न शकल्यामुळे अंधारात रहावे लागत असलेल्या राधानगरी तालुक्यातील कुटूंबाचा सर्व्हे केला.
त्यानुसार सुळंबी येथील सखाराम तुकाराम पाटील यांच्या कुटूंबाची निवड करून त्यांच्या मुलाच्या लग्नाच्या दिवसाचे औचित्य साधून जिल्हा नियोजन समितीचे माजी सदस्य जे.के.पाटील यांच्या पुढाकाराने राधानगरी युवक काँग्रेसचे अध्यक्ष वैभव तहसीलदार यांच्या हस्ते नुकतेच त्यांच्या घरी सौरऊर्जा पँनेल व बल्ब बसवण्यात आले.
यावेळी माजी सरपंच प्रा. वाय. एस. पाटील, रमेश पाटील, एन. डी. मोरे, एच.के. पाटील, उत्तम पाटील, कमलाकर पाटील, राजेंद्र पाटील,हेमंत मोरे, संदीप जाधव, विश्वास पाटील , अशोक पाटील,सखाराम पाटील व नव वर वधू उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
