इचलकरंजी : कुख्यात जर्मनी गँगवर पाचव्यांदा मोका अंतर्गत कारवाई

इचलकरंजी : येथील कुख्यात "जर्मनी गँग"वर पाचव्यांदा मोका अंतर्गत कारवाई करण्यात आली. टोळीप्रमुख आनंदा शेखर जाधव उर्फ जर्मनी, प्रविण उर्फ कन्नड पव्या मल्लाप्पा मगदुम, शुभम सदाशिव पट्टणकुडे, शिवा नारायण शिंगे, अमोल सुनिल लोले यांच्यावर कारवाई झाली. दोन महिन्यांपूर्वी स्क्रॅप व्यावसायिकाकडे गँगची विस्कळीत झालेली घडी पुन्हा बसवून दहशत अबाधीत राखण्यासाठी व गँगच्या आर्थिक फायद्यासाठी १ लाख रुपयाची मागितली त्यांनी खंडणी मागितली होती.

या गुन्ह्याच्या तपासामध्ये सहभाग निष्पन्न झाला. त्यानंतर जर्मनी गँग या संघटित गुन्हेगारी संघटनेचा पुर्वेतिहास पाहता टोळीचा पुर्वाश्रमीचा प्रमुख व इतर साथीदारांच्याविरुद्ध शिवाजीनगर पोलीसानी मोका कारवाईचा प्रस्ताव पोलिस अधीक्षक शैलेश बलकवडे यांचे मार्फत विशेष पोलीस महानिरीक्षक मनोज लोहिया यांचेकडे सादर केला होता. प्रस्तावाची छाननी करुन लोहिया यांनी मोका कारवाईस परवानगी दिली. गुन्ह्याचा पुढील तपास इचलकरंजीचे उपविभागीय पोलीस अधिकारी बी. बी. महामुनी यांचेकडे सोपविण्यात आलेला आहे.