सबस्क्राईब करा
आंबेडकरनगरातील उद्यानात गुरुवारी झालेल्या कोयता हल्ल्याचे पडसाद म्हणून आजचा हल्ला होता, असा संशय पोलिसांनी व्यक्त केला आहे.
कोल्हापूर : भाजपचे येथील सरचिटणीस (BJP General Secretary) सदानंद राजवर्धन यांच्या घरावर काल (शुक्रवार) काहींनी हल्ला केला. कसबा बावडा (Kasaba Bawada) येथील आंबेडकरनगरात हा प्रकार घडला. या प्रकरणी शाहूपुरी पोलिसांनी सहा संशयितांविरोधात गुन्हा दाखल केला आहे.
याबाबत त्यांची पत्नी संपदा यांनी शाहूपुरी पोलिस (Shahupuri Police) ठाण्यात फिर्याद दिली आहे. त्यात म्हटले आहे, की, दुपारी बारा-पंधराजणांच्या जमावाने दहशत माजवली. शिवीगाळ करून घरासमोरील दुचाकींचे नुकसान केले. पती सदानंद यांना जीवे मारण्याची धमकी दिली. लोखंडी रॉड त्यांच्या घराच्या दिशेने फेकून मारला.
शेजारी राहणारे मयुरेश शरद शिंगे यांना एडक्याने मारहाण केली. या प्रकरणी पोलिसांनी आदेश अनिल कांबळे, संतोष चव्हाण, रॉबीन कांबळे, गुरू (पूर्ण नाव नाही, सर्व रा. उलपे मळा), शेखर आणि श्रेयस यांच्यावर गुन्हा नोंद केला आहे. त्यांचा शोध सुरू असल्याची माहिती सिंदकर यांनी दिली.
आंबेडकरनगरातील उद्यानात गुरुवारी झालेल्या कोयता हल्ल्याचे पडसाद म्हणून आजचा हल्ला होता, असा संशय पोलिसांनी व्यक्त केला आहे. कोयता हल्ला प्रकरणात परस्परविरोधी फिर्यादी दाखल झाल्या आहेत. पोलिसांनी एकूण १२ जणांविरोधात गुन्हा दाखल केला आहे. पैकी अनिल विलास कांबळे (वय २४, रा. आंबेडकरनगर) याला अटक केली.
पोलिसांनी सांगितले की, जखमी सूरज कांबळेने दिलेल्या फिर्यादीनुसार, वेदांत राजवर्धन, अनिल कांबळे, विवेक राजवर्धन, आदित्य कांबळे, गब्बर सूर्यवंशी व अनोळखी तिघांविरोधात गुन्हा दाखल आहे. जखमी अनिल कांबळे याने दिलेल्या फिर्यादीनुसार विरोधी गटातील पप्पू सुतार याने गळपट धरून शिवीगाळ केली. केतन भोसले याने चाकूने डाव्या पंजावर, दंडावर, खांद्यावर वार केले. रॉबीन कांबळे आणि आदेश कांबळे यांनी मारहाण करीत शिवीगाळ केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
