कोल्हापूर : सीपीआरमधील परिचारिकांच्या बदल्यांबद्दल निवेदन देण्यासाठी गेलेल्या भाजपा पदाधिकारी आणि जिल्हाधिकारी राहुल रेखावार यांच्यामध्ये खडाजंगी झाली. निवेदन देण्यासाठी दालनामध्ये गेलेल्या भाजपा पदाधिकारी आणि कार्यकर्त्यांना जिल्हाधिकाऱ्यांनी निवेदन देण्यासाठी उपस्थितांच्या संख्येवरून सुनावले.
यावेळी राजकीय गर्दी चालते तर एखादा अधिकच व्यक्ती का चालत नसल्याचे भाजपा पदाधिकाऱ्यांनी विचारले. यावरून शाब्दिक चकमक उडाली. याचवेळी या प्रसंगाचे छायाचित्रण करत असलेल्या वृत्तपत्र छायाचित्रकाराचा कॅमेरा जप्त करण्याचे आदेश जिल्हाधिकाऱ्यांनी दिल्यामुळे हे प्रकरण आणखी चिघळले. या घटनेमुळे संतप्त झालेल्या भाजपा पदाधिकारी व कार्यकर्त्यांनी दालनाबाहेर येत घोषणाबाजी केली. या गोंधळानंतर जिल्हाधिकारी दालना बाहेर येऊन निवेदन स्वीकारू लागले.
मात्र पुन्हा भाजप कार्यकर्त्यांना खडेबोल सुनावले. यामुळे पुन्हा एकदा वाद निर्माण झाला. यानंतर जिल्हाधिकाऱ्यांनी निवेदन न स्वीकारताच पुन्हा दालनांमध्ये प्रवेश केल्यामुळे भाजप कार्यकर्ते व पदाधिकारी अधिकच संतप्त झाले. त्यांनी हे निवेदन निषेध म्हणून जिल्हाधिकाऱ्यांच्या दालनाबाहेर चिकटवले व त्यांच्या या कृतीचा निषेध नोंदवला. घडलेल्या या प्रकारामुळे जिल्हाधिकारी कार्यालयामध्ये काही काळ तणाव निर्माण झाला होता. जिल्हाध्यक्ष राहुल चिकोडे महेश जाधव व अन्य पदाधिकारी व कार्यकर्ते उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
