शिये गावात कोरोनाचा कहर ; रुग्ण संख्या झाली पाच

शिये - शिये (ता.करवीर) येथील गावभागातील आणखी एका तरुणाचा कोरोना अहवाल रात्री उशिरा पॉझिटिव्ह आला आहे. त्यामुळे शियेतील कोरोना रुग्णांची संख्या पाच झाली आहे. शिये फाटा येथील क्रशर विभाग, गावभाग, विठ्ठल नगर, रामनगर परिसरात आणि पुन्हा गावभागात कोरोना रुग्ण आढळून आल्याने समुह संसर्गाचा धोका निर्माण झाला आहे.

गुरुवारी (ता. १६) रात्री कोरोना पॉझिटिव्ह आलेल्या तरुणाचा गावातील मुख्य चौकात पानपट्टी व्यवसाय आहे. त्याच्या संपर्कात आलेल्यांची संख्या मोठी असल्याची शक्यता वर्तवली जात आहे. त्यामुळे गावात समूह संसर्गाचा धोका निर्माण झाला आहे