Kolhapur Crime : हातगाडी लावण्यावरून कोल्हापुरात एकाला भोसकलं; इम्रानवर चाकूने सपासप वार

कोल्हापूर : गणपती विसर्जन मिरवणूक (Kolhapur Ganesh Visarjan) सुरू असतानाच कोल्हापुरात एकाचा चाकूने भोसकून खून करण्यात आला. हातगाडी लावण्यावरून तरुणावर चाकूने हल्ला करण्यात आला. या हल्ल्यात तरुणाचा उपचारादरम्यान मृत्यू झाल्याची प्राथमिक माहिती मिळत आहे.

कोल्हापूरच्या आराम कॉर्नरजवळ ही घटना घडलीये. इम्रान इमाम मुजावर (वय 32 रा. आराम कॉर्नर, शिवाजी रोड) असे मयत तरुणाचे नाव आहे.

एकीकडे गणेश विसर्जन मिरवणूक सुरू असतानाच दुसरीकडे खून झाल्याने खळबळ उडाली आहे. दरम्यान, संशयित आरोपी युसूफ अलमसजीत (दाजी) याला राजवाडा पोलिसांनी (Rajwada Police) ताब्यात घेतले असून याबाबत पुढील तपास सुरु आहे.