संसर्ग रोखण्याचा वाहतूक शाखेचा फॉर्म्युला जिल्ह्यात चर्चेत

कोल्हापूर: पहिल्यांदा अँटिजेन टेस्ट,(Antigen test)ची लक्षणे अढळली तर थेट कोविड सेंटरमध्ये (covid center)जावे लागणार या धास्तीने जप्त वाहने ताब्यात घेण्यासाठी होणाऱ्या गर्दीला चांगलाच ब्रेक लागला आहे. संसर्ग रोखण्यासाठी शहर वाहतूक नियंत्रण शाखेचा हा फॉर्म्युला शहरासह जिल्ह्यात चर्चेचा बनला आहे. (formula-of-the-city-traffic-control-branch-break-to-seize-confiscated-vehicles-news)

कोरोनाचे संकटाचा मुकाबला करण्यासाठी प्रशासनाची लढाई सुरू आहे. संसर्गाचा प्रादुर्भाव रोण्यासाठी कडक लॉकडाऊनसह संचारबंदी लागू करण्यात आली आहे. शासनाच्या निर्देशाचे पालन करण्यासाठी जिल्हा पोलिस दल गेल्या दीड महिन्यापासून अव्याहतपणे रस्त्यावर बंदोबस्त बजावत आहेत. विनाकारण रस्त्यावर फिरू नका असे वारंवार आवाहान करूनही त्यांची संख्या कमी होत नाही. अशांवर कारवाईचा बगडा उगारण्यास पोलिसांनी सुरवात केली.

विनाकारण फिरणाऱ्यांच्या वाहनांवर दंडात्मक कारवाईसह वाहन जप्त करण्याचीही कारवाई पोलिसांनी सुरू केली. शहर वाहतूक नियंत्रण शाखेनेही शहर परिसरात धडक कारवाई केली. त्यात सुमारे तीनशेहून अधिक वाहने जप्त केली. ही वाहने सात दिवसानंतर चालकांच्या ताब्यात देण्यात येतात. कडक लॉकडाऊन काळात जप्त वाहनांची संख्या वाढली होती. लॉकडाऊन शिथिल केल्यानंतर ही वाहने ताब्यात घेण्यासाठी शहर वाहतूक शाखेबाहेर चालकांची मोठी गर्दी झाली होती. यातून संसर्गाचे धोके वाढण्याची भिती निर्माण झाली होती. यावर शहर वाहतूक नियंत्रण शाखेने अँटिजेन टेस्टचा उपाय काढला.

हेही वाचा- जयसिंगपूरच्या शिवार कोविड सेंटर मध्ये रंगली गाण्याची मैफल;संगीतमय मैफलीत विसरले कोविडचे दुखणे

जप्त केलेली वाहने ताब्यात घेण्यासाठी वाहन मालकांची पहिल्यांदा कार्यालयाबाहेरच अँटिजेन टेस्ट घेण्यास सुरवात केली. त्यात जर संसर्गाची लक्षणे दिसली की संबधिताला थेट कोविड सेंटरला पाठविण्याचे नियोजन केले. त्यामध्ये एकाच्या टेस्टमध्ये लक्षणे दिसून आली. तसे त्यांना थेट कोविड सेंटरमध्ये पाठविण्यातही आले. संसर्ग रोखण्यासाठी वाहतूक शाखेने केलेले अँटिजेन टेस्टचे नियोजन पाहून जप्त वाहने परत नेण्याकडे वाहन मालकांनी पाठ फिरवल्याचे चित्र पहावयास मिळत आहे. गर्दी टाळून संसर्गावर नियंत्रण मिळविण्यासाठी वाहतूक शाखेकडून केलेल्या या उपाययोजनेचे सर्वत्र कौतुक होत आहे.

दृष्टीक्षेपात...

मोटार वाहन ॲक्टनुसार - ८२ हजार ८९३ जणांवर कारवाई

दंड वसूल - १ कोटी ४५ लाख ६१ हजार ८००

जिल्‍यातील जप्त वाहने - ७ हजार ३६३

शहर वाहतूक शाखेकडील जप्त वाहने - २५०