दिवाळीनंतर त्यांनी राजस्थानमधील प्रेक्षणीय तसेच धार्मिकस्थळी सहलीचा बेत आखला होता. त्यानुसार ते कुटुंबासह मंगळवारी (ता. १२) सकाळी येथून रवाना झाले होते.
हुपरी : सहलीसाठी राजस्थानमध्ये (Rajasthan Tour) गेलेल्या येथील एकाच कुटुंबातील चौघे अपघातात जागीच ठार झाले. राजस्थानमधील पाली जिल्ह्यात शिवगंज पाली राष्ट्रीय महामार्गावर बिरामी टोल नाक्याजवळ त्यांच्या मोटारीचा (Accident) अपघात झाला. आडव्या आलेल्या गायीला वाचविण्याच्या प्रयत्नात मोटारीवरील नियंत्रण सुटल्याने मोटार उलटली आणि रस्त्याकडेच्या झाडावर जोरात जाऊन धडकली. अपघात गुरुवारी रात्री साडेनऊच्या सुमारास घडला.