Gokul Bonus: खूशखबर! 'गोकूळ'ची दिवाळी भेट; दूध उत्पादकांना बोनस जाहीर

कोल्हापूर जिल्हा सहकारी दूध उत्पादक संघ मर्यादित, कोल्हापूर अर्थात 'गोकूळ दूध संघा'नं दूध उत्पादक शेतकऱ्यांना बोनस जाहीर केला आहे. दिवाळीपूर्वी त्यांच्या खात्यावर ही बोनसची रक्कम जमा होणार आहे. दूध संघाचे चेअरमन अरुण डोंगळे यांनी ही माहिती दिली. (Gokul Bonus diwali gift by dudh sangh bonus announced to milk producers)

डोंगळे यांच्या माहितीनुसार, दूध संघाच्या खात्यावर फरकाची 101 कोटी 34 लाख रुपये रक्कम होणार आहेत. या रक्कमेतून संघाकडं नोंदणी असलेल्या दूध उत्पादक शेतकऱ्यांना बोनस देण्यात येणार आहे. त्यानुसार, म्हशीच्या दुधासाठी प्रतिलिटर 2 रुपये 80 पैसे तर गायीच्या दुधाला प्रतिलिटर 1 रुपये 80 पैसे इतका फरक जाहीर करण्यात आला आहे. (Latest Marathi News)