Misbehaving with Woman Police : महिला पोलिसांना गुंडाची अरेरावी, सूरज नलवडेला अटक; मिरवणुकीतील घटना

कोल्हापूर : गणेश आगमन मिरवणुकीत राजारामपुरीत सराईत गुंडाने थेट महिला पोलिसांना अरेरावी केल्याप्रकरणी त्याला अटक करण्यात आली. सूरज तानाजी नलवडे (वय ३३, रा. शाहूनगर, कोल्हापूर) असे त्याचे नाव आहे. जनता बाजार चौकातून मिरवणूक पुढे जाण्यास सांगितल्याच्या रागातून त्याने आरेरावी केली होती. याप्रकरणी सरकारी कामात अडथळा केल्याबद्दल गुन्हा नोंद करून त्याला अटक केल्याची नोंद राजारामपुरी पोलिस ठाण्यात झाली.