'चंद्रकांतदादांकडून मराठा आंदोलकांना उकसवण्याचं काम'

गडहिंग्लज (कोल्हापूर) : मराठा समाजाच्या आरक्षणासाठी(maratha reservation) संभाजीराजेंनी (sambhajiraje)आंदोलनाची भूमिका घेतली आहे. कोरोनाची परिस्थिती असल्यामुळे ते संयम राखून आहेत. मात्र, चंद्रकांतदादांकडून (chandrkant patil)आंदोलकांना उकसवण्याचे काम सुरू आहे, अशी टीका ग्रामविकास मंत्री हसन मुश्रीफ(hasan mushrif) यांनी केली. संभाजीराजेंच्या संयमी नेतृत्वाखालीच लढा यशस्वी होईल, असा विश्‍वासही त्यांनी व्यक्त केला.कोरोना संदर्भातील आढावा बैठकीसाठी मुश्रीफ गडहिंग्लजला आले होते. याप्रसंगी पत्रकारांशी बोलताना त्यांनी मराठा आरक्षणाच्या लढ्याबाबत भाजपचे प्रदेशाध्यक्ष चंद्रकांत पाटील यांच्या भूमिकेचा समाचार घेतला.

(hasan-mushrif-criticism-on-chandrakant-patil-political-marathi-news)

मुश्रीफ म्हणाले,“चंद्रकांतदादांना नेमके काय झाले आहे माहित नाही. सत्ता गेल्यामुळे ते अस्वस्थ झाले आहेत. मराठा आरक्षणाच्या आंदोलनासंदर्भात संभाजीराजेंनी घेतलेली भूमिका योग्य आहे. कोरोनाच्या दुसर्‍या लाटेत नागरिकांना काय त्रास झाला याची कल्पना त्यांना आहे. त्यामुळे संभाजीराजे संयमाने जात आहेत. सध्या अशाच सयंमी नेतृत्वाची गरज आहे. मात्र, चंद्रकांतदादा लोकांना मोर्चा, आंदोलन करण्यासाठी उकसवण्याचे काम करीत आहेत.

हेही वाचा- जिल्ह्यात अतिवृष्टीचा इशारा; आपत्ती व्यवस्थापनातील कक्षांना अलर्ट राहण्याच्या सूचना

पडेल ती किंमत मोजेल...

मुश्रीफ म्हणाले,“मराठा आरक्षणाचा पेच घटनात्मक आहे. मात्र, नोकरी व शिक्षणातील आरक्षणासह अन्य मागण्यांबाबत मराठा समाजाला दिलासा देण्याचा शासनाचा प्रामाणिक प्रयत्न आहे. त्यासाठी महाविकास आघाडीचे सरकार पडेल ती किंमत मोजेल.”

...पर वचन न जाए

पीककर्जाची परतफेड करणार्‍या प्रामाणिक शेतकर्‍यांना दोन वर्षांपासून प्रोत्साहन रक्कम मिळाली नसल्याबाबतचे वृत्त आज (ता.१२) ’सकाळ’मध्ये प्रसिद्ध झाले आहे. याबाबत मुश्रीफ म्हणाले,“कोरोनामुळे शासनाचे आर्थिक स्रोत घटले आहेत. त्याचा परिणाम सरकारी तिजोरीवर झाला आहे. पण, प्रामाणिक शेतकर्‍यांना प्रोत्साहन रक्कम निश्‍चित दिली जाईल. जान जाए पर वचन न जाए.”