कागल : सत्ता गेल्यामुळे भ्रमनिरास झालेले भाजपचे प्रदेशाध्यक्ष चंद्रकांत पाटील (chandrakant patil) उठसूट राज्यातील नेत्यांना तंबी देऊन स्वतःचं हसं करून घेत आहेत, असा टोला पत्रकार परिषदेत ग्रामविकास मंत्री हसन मुश्रीफ (hasan mushrif) यांनी लगावला. उपमुख्यमंत्री अजित पवार यांना पाटील यांनी तंबी दिल्याबाबत ते बोलत होते.
मंत्री मुश्रीफ म्हणाले, ‘‘यापूर्वी छगन भुजबळ (chhagan bhujabal) यांना, तुम्ही जामिनावर सुटलेले आहात, तुम्ही निर्दोष झाला नाहीत, असे वक्तव्य केले होते. त्यानंतर अशोकराव चव्हाण यांना आणि आता अजितदादांना उद्देशून वक्तव्य केले आहे. (ajit pawar) श्री. पाटील यांनी सांभाळून बोललं पाहिजे. खासदार विनायक राऊत यांनी सांगितल्याप्रमाणे त्यांचं मानसिक संतुलन ढासळलेले आहे. त्यांना उपचाराची गरज आहे.
ते म्हणाले, एका न्यूज चॅनेलने केलेल्या सर्व्हेप्रमाणे नरेंद्र मोदींनी संकट काळात कशा पद्धतीने तोंड दिले आहे. देशाची इभ्रत या जगात कशी कमी झाली आहे. त्यापेक्षा मुख्यमंत्री उद्धव ठाकरेंची कामगिरी किती उजवी आहे व त्यांनी केलेले काम किती चांगले आहे, हे दाखविले आहे. याचा राग चंद्रकांत पाटलांना आला असावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
