पन्हाळा तालुक्यातील पडळ व यवलूज परिसरात शुक्रवारी दुपारी तीन ठिकाणी वीज कोसळल्याने मालमत्तेचे मोठे नुकसान झाले.
कोल्हापूर : विजांच्या कडकडाटासह परतीच्या पावसाने शुक्रवारी जिल्हाभर धुवाधार (Kolhapur Rain) हजेरी लावली. त्या दरम्यान पाच ठिकाणी वीज कोसळली. त्यात शहरातील नागाळा पार्क, उजळाईवाडी तसेच पन्हाळा तालुक्यातील पडळ व यवलूज या ठिकाणांचा समावेश आहे. त्यात कोणतीही जीवितहानी झाली नाही; मात्र सुमारे लाखभर रुपयांचे नुकसान झाले.