हातकणंगले व शिरोळ तालुक्यातील बहुतांश गावातील कार्यकर्ते मेळाव्याला उपस्थित नसल्याचे स्पष्ट झाले. दोन्ही तालुक्यांतील सुमारे ४० हून अधिक गावांतील कार्यकर्त्यांनी मेळाव्याकडे पाठ फिरविली.
हातकणंगले : येऊ घातलेली लोकसभेची निवडणूक (Loksabha Election) तुम्हा आम्हा सर्वसामान्य कार्यकर्त्यांच्या अस्तित्वाची लढाई आहे. भांडवलशाही विरोधात लोकशाही, अशी ही लढाई असून, लोकशाही जिवंत ठेवायची असेल, तर कार्यकर्त्यांनी डोळ्यांत तेल घालून निवडणुकीला सामोरे गेले पाहिजे, अशी भावना व्यक्त करत माजी खासदार राजू शेट्टी (Raju Shetti) यांनी रणशिंग फुंकले.
स्वाभिमानी शेतकरी संघटनेचा शिरोळ व हातकणंगलेतील (Hatkanangle Constituency) प्रमुख कार्यकर्त्यांच्या मेळाव्यात आज ते येथे बोलत होते. ते म्हणाले, ‘‘मागील वेळेस आपणच अतिआत्मविश्वासानेच आपला घात झाला. मागील चुका पुन्हा करून चालणार नाहीत. यासाठी कार्यकर्त्यांनी तळागाळापर्यंत पोहोचून जबाबदारी ठामपणे पार पाडावी. केलेल्या कामाची माहिती मतदारापर्यंत पोहोचवण्याचे काम करायचे आहे. संघटनेपासून जे दुरावले आहेत त्यांनाही पुन्हा प्रवाहात आणावे.
जिल्हाध्यक्ष वैभव कांबळे, सावकार मदनाईक यांनी कार्यकर्त्यांना मार्गदर्शन केले. मेळाव्याला प्रकाश पाटील, अप्पा ऐेडके, सागर शंभूशेटे, सचिन शिंदे, जंभू कुमार, राजाराम देसाई, सुदेश पाटील, शैलेश आडके, महावीर पाटील, विठ्ठल मोरे आदीसह कार्यकर्ते उपस्थित होते.
हातकणंगले व शिरोळ तालुक्यातील बहुतांश गावातील कार्यकर्ते मेळाव्याला उपस्थित नसल्याचे स्पष्ट झाले. दोन्ही तालुक्यांतील सुमारे ४० हून अधिक गावांतील कार्यकर्त्यांनी मेळाव्याकडे पाठ फिरविली. संघटनेशी एकनिष्ठ राहिलेल्या अनेक कार्यकर्त्यांना मेळाव्याचा निरोपच मिळाला नसल्याने तेही नाराज झाल्याची चर्चा सुरू होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
