बांबवडे ( कोल्हापूर) - बांबवडे (ता. शाहुवाडी) येथे बाजारपेठेच्या प्रमुख ठिकाणी रात्री अचानक शिवाजी महाराजांचा पुतळा उभारला आहे. त्यामुळे प्रशासकीय यंत्रणा खडबडून जागी झाली. माजी आमदार सत्यजित पाटील यांनी हा पुतळा हडवला जाणार नाही असे सांगितले.
यावेळी ते म्हणाले, प्रशासनाची बाजू कायद्याच्या चौकटीत असली तरी हा छत्रपती शिवाजी महाराजांचा पुतळा सुरक्षित आहे. शेजारी पोलिस चौकी असून ग्रामपंचायत व आम्ही सर्वपक्षीय प्रतिनिधी पुढील परवानगीच्या दृष्टीने हीच जागा योग्य आहे. छत्रपती शिवाजी महाराजांचा पुतळा आम्ही कोणत्याही परिस्थिती हटवू देणार यासाठी आम्हाला तुरुंगात घातले तरी चालेल अशी भूमिका माजी आमदार सत्यजित पाटील यांनी मांडली.
बांबवडे पोलिस चौकीच्या अगदी पन्नास फुटांवर अज्ञात शिवप्रेमिंनी एेका रात्रीत पुतळा उभारल्याने याची सर्वात्र चर्चा आहे. यावेळी पोलिस उपाधिक्षक प्रशांत अमृतकर यांनी पुतळ्याची रितसर परवानगी घेऊन प्रतिष्ठापना करावी, असे जमावास आवाहन केले.
हे पण वाचा - आणखी चार दिवस परतीचा पाऊस धुमाकूळ घालणार
यावेळी उपविभागीय अधिकारी अमित माळी, तहसीलदार गुरु बिराजदार, पोलिस निरीक्षक अनिल चौगुले, ए.डी. फडतरे, सहा. पोलिस निरीक्षक भालचंद्र देशमुख, माजी आमदार सत्यजित पाटील, जि.प. सदस्य व सभापती हंबीरराव पाटील, विजय बोरगे, उपसभापती विजय खोत, दिलीप पाटील, शिवसेना जिल्हाउप्रमुख नामदेव गिरी , सचिन मुडशिंगकर व कार्यकर्ते उपस्थित होते.
संपादन - धनाजी सुर्वे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.