कोल्हापूर: शॉर्टसर्किटमुळं आग; धुराच्या लोटातून बचावले 21 विद्यार्थी

जयसिंगपूर (कोल्हापूर): शहरातील कोल्हापूर-सांगली (Kolhapur-Sangli) महामार्गावरील जयसिंगपूर-उदगाव (Jaysingpur)बँकेलगत समृध्दी इलेक्ट्रीकल या दुकानाला सोमवारी (ता.७) शॉर्ट सर्किटने आग लागली. या दुकानावर असलेल्या फिनिक्स इन्फोटेक मध्ये तब्बल २१ विद्यार्थी अडकल्याने परिसरात भितीचे वातावरण पसरले.

धुराचे लोट वरील मजल्यावर जात असल्याने विद्यार्थ्यांनी एकच गोंधळ केला. धुराचे लोट वरील मजल्यावर शिरल्याने विद्यार्थ्यांना श्वास घेण्यात ही अडथळा निर्माण झाला. पालिकेच्या अग्निशमन दलाने पाचारण केल्यानंतर या २१ जणांना सुखरूप बाहेर काढण्यात आले. ही घटना सोमवारी दुपारी एकच्या सुमारास घडली. या घटनेने जयसिंगपूर परिसरात एकच खळबळ उडाली होती.