जोतिबा डोंगर : जिल्हाधिकारी राहुल रेखावार यांनी रविवारी रात्री साडेआठ ते मध्यरात्रीपर्यंत डोंगर चालत पिंजून काढला. त्यांनी परिसराची कसून तपासणी केली. गल्ली बोळांची पाहणी केली. अनेक ठिकाणी गैरसोयी दिसून आल्याने त्यांनी नाराजी व्यक्त करत देवस्थान व ग्रामपंचायत प्रशासनाला खडसावले. ६ तारखेपूर्वी गैरसोयी दूर करण्याच्या सूचना दिल्या. बुधवारी जिल्हाधिकारी पुन्हा डोंगरावर येणार आहेत.
जोतिबा देवाचे दर्शन ऑनलाईन नोंदणी करून ७ ऑक्टोबरपासून घेता येणार आहे. जिल्हाधिकाऱ्यांच्या अध्यक्षतेखाली बैठकीत हा निर्णय घेण्यात आला. भाविकांना दक्षिण दरवाजातून पूजेचे साहित्य न घेता प्रवेश दिला जाणार आहे व उत्तर दरवाजातून बाहेर सोडण्यात येणार आहे.
महादेव, चोपडाई, जोतिबा मंदिरात पावसामुळे होणारी गळती रोखण्यास उपाययोजना करून मंदिरातील रंगरंगोटी स्वच्छता याबाबत अधिकाऱ्यांना सूचना दिल्या. दुकानदारांनी जास्त गर्दी होऊ देऊ नये, ज्यांच्या दारात गर्दी दिसेल त्यांच्यावर कारवाईचा इशारा प्रांताधिकारी अमित माळी यांनी दिला.
बैठकीला जिल्हाधिकारी राहुल रेखावार, प्रांताधिकारी अमित माळी, तहसीलदार रमेश शेडगे, देवस्थानचे सचिव शिवराज नायकवाडी, कोडोलीचे सहाय्यक पोलिस निरीक्षक दिनेश काशीद, सरपंच राधा बुणे, उपसरपंच शिवाजीराव सांगळे, महादेव दिंडे, शंकर दादर्णे पुजारी, ग्रामस्थ उपस्थित होते.
मंदिराची स्वच्छता
नवरात्र उत्सवानिमित आज जोतिबा मंदिराची स्वच्छता केली. देवता कार्यात वापरले जाणारे सर्व साहित्य स्वच्छ केले. नंदी महादेव चोपडाई काळभैरव यमाई या मंदिरातही स्वच्छता मोहीम झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.