जोतिबा डोंगर : जोतिबा डोंगरावरील जोतिबा मंदिर परिसरातील तीन दरवाजे भाविकांसाठी खुले केले. यामुळे भाविक, ग्रामस्थ, पुजाऱ्यांतून समाधान व्यक्त होत आहे. नवरात्रोत्सवापासून जिल्हा प्रशासनाने डोंगरावर ई-पास दर्शन पद्धत सुरू केली होती. यामुळे ६० टक्के भाविकांना दर्शनाचा लाभ घेता आला नाही. या पद्धतीवर नाराजी होती.
मंदिर परिसरातील पारंपरिक दर्शन रांगा सुरू करा तसेच मंदिर परिसरातील सर्व दरवाजे खुले करा अशी मागणी पालकमंत्री सतेज पाटील, माजी खासदार राजू शेट्टी, आमदार विनय कोरे, जिल्हाधिकारी राहुल रेखावार यांच्याकडे केली होती. याबाबत बैठक झाली. त्यात जिल्हाधिकारी श्री. रेखावार यांनी मागणी मान्य करून दरवाजे खुले करणार असल्याचे सांगितले. त्यानुसार दक्षिण, पश्चिम, उत्तर दरवाजे उघडले.
भाविकांना, पुजाऱ्यांना पश्चिम दरवाजातून मंदिरात प्रवेश देण्यात येणार आहे. तर दक्षिण व उत्तर दरवाजातून बाहेर पडता येणार आहे. दरवाजे खुले करताना पश्चिम महाराष्ट्र देवस्थान समितीचे अधीक्षक महादेव दिंडे, ग्रामपंचायत सदस्य सुनील नवाळे, संतोष शिंगे, ग्रामस्थ, पुजारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
