कागल: शेट्टींच्या जलसमाधी आंदोलनात पूरग्रस्त सहभागी होणार

कागल : विविध मागण्यांसाठी माजी खासदार राजू शेट्टी यांच्या नेतृत्वाखाली ५ सप्टेंबर रोजी होणाऱ्या जलसमाधी आंदोलनात कागल तालुक्यातील पूरग्रस्त सहभागी होणार आहेत. आंदोलनाच्या पूर्वतयारीसाठी कागल तालुका स्वाभिमानी शेतकरी संघटनेची बैठक संपन्न झाली. या बैठकीत हा निर्णय घेण्यात आला.

पूरग्रस्तांना न्याय मिळावा यासाठी तसेच, मिळणारी नुकसान भरपाई योग्य प्रमाणात मिळावी, बिगर कर्जदारांना देण्यात येणारे प्रोत्साहन अनुदान ५० हजार रुपये त्वरित मिळावेत मागण्यांकरिता खा. राजू शेट्टी यांच्या नेतृत्वाखाली ५ सप्टेंबर रोजी होणाऱ्या जलसमाधी आंदोलन करण्यात येणार आहे.

यावेळी जिल्हा उपाध्यक्ष सागर कोंडेकर, बाळासाहेब पाटील, तानाजी मगदूम, अविनाश मगदूम, राजेंद्र बागल, नितेश कोगनोळे, तानाजी चौगुले, दीपक हेगडे, पांडुरंग पाटील, साताप्पा पाटील, पांडुरंग चौगुले, राजेंद्र खोंद्रे आदी कार्यकर्ते उपस्थित होते.