Kolhapur Crime: ऊसतोड मजूर पुरवठाप्रकरणी १० लाखांची फसवणूक; एकाला अटक!

Kolhapur Crime: ऊसतोड मजूर पुरवठाप्रकरणी १० लाख रुपयांची फसवणूक करणाऱ्या एकाला शहापूर पोलिसांनी अटक केली. पोपट वसंत सातपुते (वय ३३, रा.गौडवाडी, ता.सांगोला, जि.सोलापूर) असे त्याचे नाव आहे.

त्याला न्यायालयासमोर हजर केले असता एक दिवसाची पोलिस कोठडी सुनावण्यात आली. याबाबत मुरलीधर ज्ञानदेव शिंदे (वय ४२, रा. शिंदेमळा, खोतवाडी, ता.हातकणंगले) यांनी पोलिसांत फिर्याद दिली होती.

वेळोवेळी ऊस तोडणीचे २० जोड्या मजूर पुरवितो, असे सांगून सातपुते याने करार केला. याच्यासाठी शिंदे यांच्याकडून १० लाख रुपये घेवून मजूर न पुरवता त्याने फसवणूक केली होती.