हळदी (कोल्हापूर) : संपूर्ण जिल्ह्याचे लक्ष वेधून घेतलेल्या सडोली खालसा (ता. करवीर) येथील ग्रामपंचायत निवडणुकीमध्ये सत्ताधारी काँग्रेसने ग्रामपंचायतवर दुसऱ्यांदा आपले वर्चस्व प्रस्थापित करत सत्ता हस्तगत केली. काँग्रेसने गेल्या वेळेपेक्षा दोन जागा जास्त जिंकल्या असून पहिल्यांदाच गावात झालेल्या तिसऱ्या आघाडीचा मात्र धुव्वा उडाला आहे. तसेच तिसऱ्या आघाडी प्रमुखाचा पन्नास मतांनी पराभव झाला आहे. एकूण तेरा जागांपैकी दहा जागा काँग्रेसने तर तीन जागा शेतकरी कामगार पक्षाने जिंकल्या.
तिसऱ्या आघाडीला भोपळा देखील फोडता आला नाही.
सदर निवडणूक बिनविरोध होण्यासाठी शेवटपर्यंत प्रयत्न केले होते. पण अंतिम टप्प्यापर्यंत जागा वाटपाचा तिढा सुटला नसल्याने निवडणूक लागली होती. यावेळी गावात पहिल्यांदाच झालेल्या तिरंगी लढतीमध्ये आजी - माजी आमदारांचे जवळचे नातेवाईक असणारे स्वरुपसिंह पाटील यांनी तिसरी आघाडी करत सर्व जागांवर उमेदवार उभे केले होते. पण त्यांचा सर्व जागांवर पराभव झाला.जागा वाटपापासूनच चर्चेत असणारी निवडणूक तिसऱ्या आघाडीमुळे चुरशीची झाली होती. या निवडणुकीमध्ये एकप्रकारे विद्यमान आमदार पी. एन.पाटील व माजी आमदार संपतराव पवार पाटील यांची प्रतिष्ठा पणाला लागली होती.
हेही वाचा - करवीरमध्ये स्थानिक आघाडी गटांची बाजी
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.