Bazar Samiti Result : कोल्हापूरच्या नेत्यांनी करुन दाखवलं; बाजार समितीत 'इतक्या' जागांवर मिळवला विजय

कोल्हापूर : राज्यातील बाजार समितीचे निकाल जाहीर झाले आहेत. अनेक ठिकाणी संमिश्र निकाल लागले आहेत. तर, काही भागात मातब्बर नेत्यांचा बाजारच उठला आहे. दरम्यान, कोल्हापूर कृषी उत्पन्न बाजार समितीच्या निवडणुकीत (Kolhapur Market Committee Election Result) सत्तारूढ महाविकास आघाडीनं बाजी मारली आहे.

बाजार समितीच्या निवडणुकीत माजी मंत्री हसन मुश्रीफ, आमदार विनय कोरे, आमदार पी. एन. पाटील, खासदार संजय मंडलिक, आमदार सतेज पाटील यांच्या नेतृत्वाखालील राजर्षी शाहू शेतकरी विकास आघाडीनं 18 पैकी 16 जागा जिंकत बाजार समितीच्या सत्तेच्या चाव्या पुन्हा आपल्या ताब्यात ठेवल्या आहेत.

विरोधी भाजपचे जिल्हाध्यक्ष समरजीत घाटगे, माजी आमदार चंद्रदीप नरके, माजी आमदार सत्यजीत पाटील सरुडकर यांच्या नेतृत्वाखालील परिवर्तन पॅनेलचा मोठा पराभव झाला आहे. हमाल तोलाईदार गटात अपक्ष बाबूराव खोत यांनी तर व्यापारी गटात परिवर्तन आघाडीचे नंदकुमार वळंजू यांनी बाजी मारलीये.